Республикăра пурăнакансем кайăк-кĕшĕк грипĕ пирки илтмен мар. 2018-мĕш çулта Чăваш Енре 12 вырăнта инкек вучахне палăртнăччĕ. Ытларах Каçалпа Юхма тăрăхĕсем шар курнăччĕ. Çавăн пекех Елчĕк, Çĕрпӳ, Йĕпреç, Хĕрлĕ Чутай тăрăхĕсенче чир пулнăччĕ. Кăçал та ку мур республикăна çитес хăрушлăх пур.

Сынсен кайăк-кĕшĕк чирленине менле пĕлмелле? Енчен те çак мура пирĕн тăрăхра тупса палăртсан унăн сиенлĕхĕ пысăк-и? Çак тата ытти ыйтăва уçăмлатма Чăваш Республикинчи патшалăх ветеринари службин ертӳçине Александр Шакина студие чĕнтĕмĕр.